Азиза Шоназарова Халқаро хотин-қизлар кунига бағишланан байрам тадбирида.
Президент Шавкат Мирзиёев АҚШдаги Колумбия университетининг профессори этиб тайинланган Азиза Шоназаровани Ўзбекистон ёшлари учун чинакам ибрат намунаси деб атади. Давлат раҳбарининг матбуот хизмати тарқатган ахборотга кўра, Президент бу ҳақда Халқаро хотин-қизлар куни муносабати билан 7 март куни ўтказилган байрам тадбирида айтиб ўтган.
- Яқинда оммавий ахборот воситалари орқали истеъдодли ёш олима Азиза Шоназарованинг Америка Қўшма Штатларидаги нуфузли Колумбия университетининг профессори этиб тайинлангани ҳақида хушхабар тарқалди.
Пойтахтимизнинг Қорақамиш даҳасида вояга етиб, Тошкент шарқшунослик институтида, кейинчалик Польша ва АҚШдаги машҳур университетларда таълим олган Азизахон 32 ёшида тарих ва диншунослик йўналишида фан доктори бўлгани, 500 та талабгор орасида конкурсда ғолиб чиқиб, ана шундай юксак илмий даражага эришгани олқишга сазовордир.
Бу синглимизнинг айни вақтда яхши оила бекаси ва она экани, араб, форс, турк, рус, инглиз, француз, немис, поляк тилларида эркин мулоқот қилиши, эришаётган юксак натижалари мамлакатимиз ёшлари учун чинакам ибрат намунаси бўлади, деб ишонаман.
Азизахон ўз хурсандчилигини юртдошлари билан баҳам кўриш учун олис йўл босиб, АҚШдан Ўзбекистонга етиб келди. Келинглар, ёш олимамизни самимий табриклаб, унга янада улкан ютуқлар тилайлик, - деди Шавкат Мирзиёев.
Қайд этиш жоиз, профессор Азиза Шоназарова Ўзбекистон Президентининг 7 мартдани фармонига мувофиқ «Дўстлик» ордени билан мукофотланди. Байрам тадбиридан сўнг Азиза Шоназарованинг таъкидлашича, у орден билан тақдирланишидан бехабар бўлган.
Ёш олима мукофотни Президентнинг қўлидан олаётганида, Шавкат Мирзиёев унга нима деганини ҳам маълум қилди: «Азиза, биз сиз билан фахрланамиз. Ўзбекистонга тез-тез келиб туринг». Ўзининг тан олишича, у Ўзбекистонга йилда бир-икки марта келиб туради.
«Марказий Осиёда тасаввуфнинг ривожланишига аёлларнинг қўшган ҳиссаси мавзусига қизиқаман. Докторлик диссертациям ҳам Марказий Осиёда сўфий аёллар ва гендер тарихи билан боғлиқ. Шу сабабли, Президентга ҳам энди Ўзбекистонга тез-тез келиб туришимни айтдим», — дея қўшимча қилди Азиза Шоназарова. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Америкалик олимлар барча учун бирдек фойдали жисмоний фаоллик турини аниқлади
Қайси кундалик одатлар иммунитет пасайишига олиб келишини биласизми?
Россия дунёдаги биринчи водород ёқилғили автомобилни тақдим этди
Эрон президенти жиддий баёнот берди: «Исроилдан ҳеч нарса қолмайди»
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
