Uzbekistan Airways авиакомпанияси қатор мамлакатларга парвозларини икки ой муддатга бекор қилди. Бу ҳақда компания матбуот хизмати хабар берди.
Миллий авиакомпания жаҳондаги эпидемиологик вазият, ҳукумат даражасида қўйилаётган чекловлар, ҳаво қатновларига бўлган талабнинг кескин камайиши муносабати билан март—апрель ойларидаги парвозлар жадвалига вақтинчалик ўзгартиришлар киритишга мажбур бўлганини маълум қилган.
Ўзгартиришлар Лондон, Париж, Амрицар, Дели, Мумбай, Жакарта, Куала-Лумпур, Бангкок ва Тель-Авив шаҳарларга бўлган қатновларга тегишли.
Миллий авиакомпания юқорида кўрсатилган йўналишлар бўйича бекор қилинган қатновларнинг йўловчиларига авиачипталарни қайтариш ёки бошқа саналарга қайта бронлаш қўшимча ҳақ ва жарималарсиз амалга оширилиши ҳақида алоҳида тўхталиб ўтган.
- Саёҳатни ёки Ўзбекистон Республикасига қайтишни режалаштириш жараёнида сизнинг авиачиптангизда кўрсатилган қатновнинг бажарилиши тўғрисидаги маълумотларни, шунингдек, бораётган мамлакатларга кириш қоидалари ва чекловлари, шу жумладан карантин талаблари билан бизнинг uzairways.com сайтимизда ёки +998781400200 рақами орқали авиакомпаниянинг Ягона алоқа марказида ва белгиланган мамлакатларнинг Ташқи ишлар вазирликлари сайтларида диққат билан танишиб чиқишингизни сўраймиз, - деб ёзади Uzbekistan Airways авиакомпанияси.
Шунингдек, авиакомпания Ягона алоқа марказига қилинаётган қўнғироқлар сабабли, линияда бўлган навбатда узоқ кутиб қолиш эҳтимоли ҳақида маълум қилган.
«Компания линияда кутиш вақтини қисқартириш ва мурожаатларингиз билан ишлаш учун барча чораларни кўрмоқда. Сизнинг тушунишингизга умид қиламиз», – дейилади хабарда. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди