Фото: Getty Images
Қашқадарё вилояти Транспорт бошқармаси вилоятлик талабаларни уйларига бепул етказиш ташаббуси амалга оширилаётганини эълон қилган эди. Айни пайтда бошқарма бунга ёрдам бериш истагида бўлган кўнгилли талабгорлардан ёрдам сўрамоқда.
Қашқадарёга қайтиш истагида бўлган талабаларга 18 март соат 10:00 га қадар алоқага чиқишлари айтилган ва уларни қайтариш тадбирларига 5 та автобус, 2 та микроавтобус ва 50 га яқин енгил автомобиль ажратилган.
Хабар берилишича, мазкур янгилик оммага эълон қилингач, кўплаб қашқадарёлик талабалардан мурожаатлар келиб тушмоқда.
Бундан ташқари, қашқадарёлик айрим ташувчилар ҳам мазкур хайрли ишга ўз ҳиссасини қўшиш таклифи билан чиқишган.
Бироқ мурожаатлар кўплиги туфайли мавжуд транспорт воситалари қашқадарёлик талабаларни олиб қайтиши учун етмай қолиши мумкин, деган хавотир ҳам бор.
Шуни инобатга олиб, шахсий автомобилига эга, савоб талабидаги қашқадарёликлардан (айни пайтда Тошкент шаҳрида бўлиб турган бўлса, айни муддао) мазкур ташаббусни амалга оширишда ҳамкорлик сўралади.
Бунинг учун: +998973507788; +998973127979; +998916350818 телефон рақамлари орқали ташаббускорлар билан боғланиш мумкин.
Эслатиб ўтамиз, куни кеча фарғоналик ҳайдовчи талабаларни бепул уйларига етказиб қўйиш таклифи билан чиққан эди.
Бундан ташқари, Бағдод тумани «Ватанпарвар» ташкилоти томонидан ҳам Тошкентда қолиб кетган ва Фарғонага келмоқчи бўлган йўловчиларга бепул хизмат кўрсатиш акциясини давом эттирмоқда. Мазкур хайрия машиналари Қўйлиқ «питак»идан йўловчиларни олиб кетмоқда. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Эрдўғон: «Исроил Гитлердан ҳам ўтиб кетди»
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Зеленский: Россия Украинанинг иссиқлик энергетикасини деярли тўлиқ яксон қилди
Қондаги шакар миқдорини тартибга солувчи фойдали мева номи айтилди