08:40 / 18.03.2020
1 227

Ўзбекистонда гўшт ва сут маҳсулотлари тақчиллиги юзага келмайди

Ўзбекистонда гўшт ва сут маҳсулотлари тақчиллиги юзага келмайди

Мамлакатимизда COVID-19 коронавирус инфекциясига чалиниi ҳолати аниқлангач, ижтимоий тармоқларда озиқ-овқат маҳсулотлари тақчиллиги бўйича турли хабарлар пайдо бўла бошлади.

Ветеринария ва чорвачиликни ривожлантириш давлат қўмитаси юртимизда чорвачилик маҳсулотлари тақчиллиги юзага келмаслигини маълум қилди.

Қайд этлишича, мамлакатимизда жами 6,4 мингта чорвачилик субъекти мавжуд бўлиб, шундан 500 мингдан ортиғи гўшт етиштиришга, 2 мингдан ортиғи сут ва 4 мингга яқини гўшт-сут маҳсулоти етиштиришга ихтисослашган. Айни пайтда мамлакатда 13 миллиондан ортиқ қорамол мавжуд бўлиб шундан 93 фоизи аҳоли ҳиссасига тўғри келади.

Бугунги кунда кунлик ўртача 7 минг тонна гўшт етиштирилиб, шундан 90 фоизи бозорларда сотилаётган бўлса, 10 фоизи қайта ишлашга йўналтирилмоқда. Шунингдек, кунлик 30,7 минг тонна сут соғиб олиниб 16 фоизи қайта ишланмоқда.

Мавжуд 1,2 мингдан ортиқ паррандачилик корхоналарида кунига 15 миллион донадан ортиқ тухум, 400 тоннадан ортиқ парранда гўшти етиштирилиб, 300-320 тонна парранда гўшти бозорларда сотилаётган бўлса, 80-100 тоннаси қайта ишлашга йўналтирилмоқда.

2020 йил 16 март ҳолатига кўра, республикада 5,4 минг тонна парранда гўшти захираси яратилган.
Бундан ташқари, кунига ўртача 363 тонна балиқ ва балиқ маҳсулотлари ҳамда 37 тоннадан зиёд асал етиштирилиб, истеъмол учун чиқарилмоқда.

Таъкидланишича, бугунги кунда мамлакатимизда мол гўштининг ўртача бозор баҳоси 38000 сўмдан 52000 сўмгача, қўй гўшти 39000 сўмдан 54000 сўмгача, товуқ гўшти 16000 сўмдан 20000 сўмгача, тухум 650 сўмдан 900 сўмгача, балиқ 11000 сўмдан 25000 сўмгача, асалнинг бир килоси эса ўртача 35000 сўмни ташкил этмоқда.

Чорвачилик, паррандачилик, балиқчилик, асаларичилик, қуёнчилик субъектларининг иш рентабеллиги ҳар доимги кўрсаткичларда бўлиб, ишлаб чиқариш қувватлари пасаймаган.

гўшт сут тақчиллик
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)