Райҳонни Жиззахдаги тўйга обораман деб 6400$га алдаган таниқли актёр устидан тергов кетмоқда

^{Фото: Reuters}
Жиззах шаҳрида бир фуқарони алдаб, унинг тўйига Райҳонни олиб келмоқчи бўлган таниқли актёр устидан шикоят тушгани ҳақида Жиззах вилояти ИИБ ахборот хизмати хабар бермоқда.

“Кўтарма” маҳалласида истиқомат қилиб келган Г.С. исмли аёл икки кун аввал Жиззах шаҳар ички ишлар органлари фаолиятини мувофиқлаштириш бошқармасига фирибгарнинг алдовига ишониб қолганини маълум қилган.

Маълум қилинишича, Тошкент шаҳар Шайхонтоҳур туманида истиқомат қилувчи 1988 йилда туғилган актёр А.Р. унинг тўйига хонанда Райҳона Ғаниевани олиб келишини айтган. Бу хизмат эвазига “Кимёгар” маҳалласи ҳудудида Г.С. нинг 6 минг 400 АҚШ доллари пулини олган.

Бироқ актёр ваъдасини бажармаган, пулларни эса шахсий манфаати йўлида сарфлаб юборган.
Мазкур ҳолат юзасидан Жиззах шаҳар ИИО ФМБ томонидан терговга қадар суриштирув ҳаракатлари олиб борилмоқда. «Замин»ни Telegram’да ўқинг!