4 153
34 кишига коронавирус юқишига сабабчи бўлган тиббиёт ходимига нисбатан жиноят иши қўзғатилди
Самарқанд вилояти ҳудудида СОVID-19 инфекцияси тарқалиб кетишининг олдини олиш ва унинг келиб чиқиш манбасини аниқлаш бўйича ҳуқуқни муҳофаза қилувчи органлари ва тиббиёт ходимларидан иборат ишчи гуруҳ фаолият олиб бормоқда.
Мазкур гуруҳ томонидан олиб борилган эпидемиологик суриштирув ишлари давомида вилоятдаги туманлардан бирида бўлим мудири вазифасида ишлаётган фуқаро Х.Д. жорий йилнинг 20 апрель кунидан соғлигида ўзгариш бошланиб, ўзида йўтал, тана ҳароратининг 39.С гача кўтарилиши, нафас қисиши каби коронавирус инфекцияси белгиларини ҳис қилгани ҳолда уй шароитида даволана бошлаганлиги аниқланган.
У COVID-19 инфекциясини юқтирганини сезса-да карантин шароитида тегишли тартибда давлат санитария назорати органларининг тиббий текширувидан ўтмасдан, 27 апрель кунига қадар ўзбошимчалик билан уй шароитида ўзини ўзи даволаш билан шуғулланиб, санитарияга оид қонун ҳужжатларини қўпол равишда бузган.
Оқибатда Х.Д. у билан доимий мулоқотда бўлган турмуш ўртоғи ва бошқа қариндошлари, ўзи даволаган бемор ва ҳамкасбларидан 11 нафарига, улар орқали яна 23 нафар шахсга COVID-19 инфекцияси юқишига сабабчи бўлган.
2020 йил 12 май куни Х.Д.га нисбатан ЖКнинг 257-1-моддаси 1-қисми (Санитарияга оид қонун ҳужжатларни ёки эпидемияга қарши кураш қоидалари бузиш) билан жиноят иши қўзғатилиб, тергов ҳаракатлари олиб борилмоқда.
Х.Д. орқали касаллик юқтирган жами 34 нафар шахснинг барчаси карантинга олиниб, вилоят юқумли касалликлар шифохонасида даволанмоқда.
Жиноят иши тергови вилоят прокуратураси томонидан алоҳида назоратга олинган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Сирдарёда бюджетга жуда кўп миқдорда зарар етказган майнинг ферма аниқланди
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди