Янги ҳафтадан эътиборан пойтахтда 131та йўналишда ҳаракатланувчи жами 1067та автобус линияларга чиқарилади. Бу ҳақда Тошкент шаҳар ҳокимлиги хабар қилди.
Таъкидланишича, пойтахтда жами 152та автобус йўналишлари мавжуд бўлиб, умумий режага асосан бу йўналишларда жами 1230та автобус ҳаракатланиши белгиланган. Аммо Махсус комиссия қарори билан автобуслар қатнови фақатгина «яшил» ва «сариқ» ҳудудларда рухсат берилганидан келиб чиқиб, 21та йўналишида ҳозирча автобус қатнови тикланмайди.
«Тошкент вилоятининг Қибрай, Тошкент, Зангиота туманлари «қизил» ҳудуд деб эълон қилингани муносабати билан, автокорхоналарга бириктирилган – Тошкент вилоятининг юқорида келтирилган туманлари ҳудудигача ҳаракатланувчи 21та (8т, 9, 16, 25, 42, 56, 65, 74, 84, 101, 103, 115, 120, 134, 135, 144, 145, 148, 188, 198, 199-сонли) автобус йўналишлари вақтинчалик фаолият юритмайди.
Йўловчилар ташиш узлуксизлигини таъминлаш мақсадида 3та (75, 106, 160-сонли) автобус йўналишларининг фаолияти фақатгина Тошкент шаҳри ҳудудида, Тошкент вилояти ҳудудига ҳаракатланмаган ҳолда ташкил этилади», – дейилади ҳокимлик хабарида.
Автобуслар ҳаракати Махсус комиссия баёнига асосан соат 6:00дан 22:00гача давом этади.
Йўналишларнинг сўнгги бекатларида икки сменалик навбатчилик ташкил қилинади. Автобуслар сўнгги бекатларида доимий равишда ҳар бир қатновга жўнашдан олдин тўлиқ дезинфекция қилинади.
Ҳайдовчилар тиббий ниқоб ва қўлқоплар билан таъминланади уларни мунтазам равишда ўз вақтида алмаштириб борилади. Автобуслар салонига фақатгина тиббий ниқобдаги йўловчилар киритилади.
Маълумот учун, бугунги кунда «Тошшаҳартрансхизмат» АЖ таркибига жами 16та автокорхона киради. Шундан 8таси – автобус саройлари, 8таси – хусусий ташувчилар.
Одатий режимда, ушбу 16та автокорхонага жами 152та автобус йўналиши (шундан 135таси автобус саройлари, 17таси хусусий корхоналар)га бириктирилган бўлиб, ушбу йўналишларга режа бўйича жами 1230та автобуслар (шундан 1121та автобус саройлари бўйича ва 109та хусусий корхоналар бўйича) ишга чиқиши белгиланган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Толибон” Афғонистоннинг Хост вилоятида беш нафар фуқарони қамчи билан жазолади
Америкалик олимлар барча учун бирдек фойдали жисмоний фаоллик турини аниқлади
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Мария Захарова украиналикларни Америка ҳиндуларига ўхшатди
Зоир Мирзаев “Телефонсиз мактаб”га 300 млн сўм мукофот берди
Владимир Путин «Крокус»да содир этилган теракт учун ўч олишга чақирди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
