Андижон вилояти ИИБ ва ДХХ ходимлари томонидан 12 июнь куни ҳамкорликда ўтказилган тезкор тадбирлар давомида Ўзбекистон ҳудудида фаолияти тақиқланган «Жиҳодчилар» экстремистик оқимининг бир гуруҳ аъзолари қўлга олинди. Бу ҳақда Ички ишлар вазирлиги хабар берди.
Маълум қилинишича, экстремистик фаолиятга алоқадорликда гумон қилинаётган Избоскан ва Асака туманида яшовчи бир гуруҳ фуқароларнинг уйларида вилоят ИИБ ҳузуридаги Тергов бошқармаси томонидан қўзғатилган жиноят иши доирасида тинтув ва олиб қўйиш тергов ҳаракати ўтказилди. Тергов ҳаракати натижасида баъзи гуруҳ аъзоларининг телефон аппаратлари ва компьютер қурилмалари хотирасида тақиқланган адабиётларни электрон ҳолда сақлаш ва тарқатиш орқали оддий фуқароларнинг онгини ёт ғоялар билан бузиб келаётганлиги маълум бўлган.
Дастлабки тергов-текширув натижаларига кўра, гуруҳ аъзоларининг айримлари аввал меҳнат мигранти сифатида Россияда ишлаб юриши давомида экстремистик оқим аъзоларининг таъсирига тушган ва оқим ғояларини қўллаб-қувватлаб келган. Бошқалари эса интернет орқали «Жиҳодчилар» оқимининг ақидапарастлик ғояларини тарғиб қилувчи материалларни кўриши натижасида ёт ғоялар таъсирига тушган ва кейинчалик бошқаларни ҳам шу йўлга даъват қилган. Уларга нисбатан жиноят иши қўзғатилган.
Эслатиб ўтамиз, 2019 йилнинг 23 октябрь куни Тошкент шаҳрида мазкур оқимнинг бир гуруҳ аъзолари қўлга олинган эди. Жорий йилнинг 7 январь куни Тошкентда мазкур оқимнинг яна бир гуруҳи қўлга олинган. 8 июнь куни Бойсунда оқимнинг яна бир гуруҳи фаолиятига чек қўйилди.
Бундан ташқари, 2020 йилнинг 19 февраль куни Тошкентда «Тавҳид ва жиҳод катибаси» халқаро террористик ташкилотига алоқадор бўлган 21 киши қўлга олинган эди. 26 февраль куни эса Тошкент шаҳри ва вилоятида террорчилик гуруҳларига аъзоликда гумонланган яна 21 киши қўлга олинди. Май ойида эса Фарғонада «Ҳизб ут-Таҳрир» террорчилик ташкилотини бир гуруҳ аъзоларининг жиноий фаолиятига чек қўйилди.
Маълумот учун, Ўзбекистон Олий судининг 2016 йил 26 сентябрдаги қарори билан «Жиҳодчилар» диний-экстремистик оқими Ўзбекистон ҳудудида тақиқланган ташкилотлар рўйхатига киритилган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Зоҳида Умарова нима сабабдан ўғли ва келини билан бирга яшамаслигини айтди
Германиянинг Knauf компанияси Россиядан бутунлай чиқиб кетишини тасдиқлади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Рамзан Қодировнинг 19 ёшли қизи медаль билан тақдирланди
Футзал. Осиё Кубоги. Тожикистон Японияни гуруҳда қолдирди
