«Дарё»нинг хабар беришича, Қашқадарё вилоятининг Деҳқонобод туманида маҳалла котиби бошқарувидаги «УАЗ» русумли автомашина 10-15 метр баландликдан пастга қулаган.
«Бунга маҳалла котибининг маст ҳолда машина ҳайдагани сабаб бўлган», — дейди воқеа ҳақида хабар берувчи ўқувчи.
Фото: Telegram
«Дарё» сўровига жавобан Деҳқонобод туман ИИБ мазкур ҳолат бўйича маълумот берди.
Фото: Telegram
Таъкидланишича, 2020 йил 27 июнь куни «Айридевор» МФЙ Довқамар қишлоғида яшовчи 53 ёшли фуқаро Жонқул Абдулазизов бошқарувидаги «УАЗ» автомобили ҳудуддаги тепаликдан 10-15 метр пастликка қулаган. Ҳайдовчининг айтишича, бунга машина олди ғилдираги шинаси ёрилгани сабаб бўлган. Шина ёрилгач, машина бир томонга тортган ва пастга тушиб кетган.
Фото: Деҳқонобод туман ИИБ
Деҳқонобод ҳокимлиги ахборот хизматининг маълумот беришича, маҳалла котиби иштирокидаги бахтсиз ҳодиса 28 июнь куни туман ИИБ ЙПХ бошлиғи майор Баҳром Назаров, ИИБ бошлиғи ўринбосари Дилшод Мирзаев, «Айридевор» МФЙ раиси Камол Хушвақтовлар иштирокида ўрганилган.
«Ҳодиса «Айридевор» МФЙ раиси ўринбосари Жонқул Абдулазизов бошқарувидаги «УАЗ» фуқаро Омонова Зебинисонинг буюмларини отасининг уйига ташлаб қайтаётган пайтда, 2020 йил 27 июнь куни, соат 14:30 да Бешбулоқ қишлоғидан ўтган жойда содир бўлган. Воқеа содир бўлган пайтда автомобиль ичида ҳайдовчидан бошқа ҳеч ким бўлмаган. Ҳайдовчи бошқарувни йўқотганлиги сабаб машинадан сакраб тушиб қолган ва ҳеч қандай жароҳат олмаган. Ҳайдовчининг айтишича, жароҳат олмагани боис туман тиббиёт бирлашмаси ва ИИБга мурожаат қилмаган. Ҳайдовчи тиббий кўрикдан ўтказилганда спиртли ичимлик истеъмол қилмагани маълум бўлди», — дейди туман ИИБ бошлиғи ўринбосари Дилшод Мирзаев.
Фото: Деҳқонобод туман ИИБ
Дилшод Мирзаевнинг қўшимча қилишича, ҳолат юзасидан Деҳқонобод туман ИИБ томонидан терговга қадар текширув ҳаракатлари бошлаб юборилган.
— Shukhrat (@bankir2102) June 29, 2020“Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Германиянинг Knauf компанияси Россиядан бутунлай чиқиб кетишини тасдиқлади
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Зоҳида Умарова нима сабабдан ўғли ва келини билан бирга яшамаслигини айтди
Футзал. Осиё Кубоги. Тожикистон Японияни гуруҳда қолдирди
