Фото: ИИВ Тегов департаменти.
Наманганда қўшни Қирғизистондан гиёҳвандлик воситаси олиб ўтган шахс ушланди, деб хабар бермоқда ИИВ Тегов департаменти.
Маълум бўлишича, 3 июль куни соат 23:00 да 59 ёшли С.К. Қирғизистон фуқароси М. исмли шахс билан жиноий тил бириктириб божхона назоратини четлаб, М.нинг ёрдамида Қирғизистон билан Ўзбекистонни ажратиб турувчи, божхона назорати ўрнатилмаган Норин дарёси орқали, дарёнинг Қирғизистондаги қирғоғидан Ўзбекистондаги қирғоғига қараб, балиқ тутишга мўлжалланган қармоқ ёрдамида гашиш гиёҳвандлик воситасини олиб ўтказган. Шундан сўнг С.К. ушбу гиёҳвандлик воситасини яшаш уйи дарвозахонасига олиб бориб, яшириб қўйган.
5 июль куни С.К. ўзининг таниши 44 ёшли Р.А. билан жиноий тил бириктириб, 513,53 грамм гашиш гиёҳвандлик воситасини 3500 долларга сотаётган вақтида ашёвий далиллар билан ушланган.
Шунингдек, шу куннинг ўзида С.К.нинг яшаш хонадони холислар иштирокида кўздан кечирилганида, яшаш уйида 0,21 грамм марихуана, 13,47 грамм гашиш ва 0,74 грамм кўкнор сомони гиёҳвандлик воситаларини сақлаб келганлиги аниқланиб, мазкур воситалар процессуал тартибда расмийлаштириб олинган.
Мазкур ҳолат юзасидан Жиноят кодексининг 273-моддаси 5-қисми (Гиёҳвандлик воситалари, уларнинг аналоглари ёки психотроп моддаларни кўп миқдорда қонунга хилоф равишда сотиш) билан жиноят иши қўзғатилган.
Ҳозирда Учқўрғон туман ИИБ ҳузуридаги Тергов бўлими томонидан тергов ҳаракатлари олиб борилиб, С.К. ва Р.А. гумон қилинувчи тариқасида жалб қилиниб, уларга нисбатан қамоққа олиш тарзидаги эҳтиёт чораси қўлланилган. Тергов ҳаракатлари давом эттирилмоқда. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Германиянинг Knauf компанияси Россиядан бутунлай чиқиб кетишини тасдиқлади
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Зоҳида Умарова нима сабабдан ўғли ва келини билан бирга яшамаслигини айтди
Футзал. Осиё Кубоги. Тожикистон Японияни гуруҳда қолдирди