3 547
Гидроксихлорохиндан фойдаланманг — бразилиялик шифокорлар. У Ўзбекистон ССВ тавсия қилган дорилар рўйхатида бор
Фото: AFP
Бразилия инфектологлари жамияти гидроксихлорохин дорисидан COVID-19 вирусини даволашда фойдаланмасликни тавсия қилмоқда. “Зудлик билан гидроксихлорохинни COVID-19ни даволашнинг ҳар қандай босқичида олиш керак”, — дейилади шифокорлар баёнотида.
Олимлар мамлакат соғлиқни сақлаш вазирлигини коронавирусни юқтирган беморларни даволаш усулини қайта кўриб чиқишга ва бу касалликни даволашда самара бермайдиган ва акс таъсирлар келтириб чиқарадиган дори учун давлат маблағларини сарф қилмасликка чақирган. Маълум қилинишича, Бразилия президенти Болсонару айни вақтда даволаниш учун гидроксихлорохиндан фойдаланмоқда.
Бутунжаҳон соғлиқни сақлаш ташкилоти COVID-19га қарши кураш учун синаладиган дорилар рўйхатидан гидроксихлорохинни чиқариб ташлаган эди. Июн ойи бошида Оксфорд олимлари, ушбу дори касалликни даволашда ёрдам беришини исботловчи аломатларни топа олишмаганди.
Тадқиқот натижасига кўра, гидроксихлорохинни қабул қилган беморларнинг 25,7 фоизи 28 кун ичида вафот этган. Бу малҳамни қабул қилмаганлар орасида ўлим даражаси 23,5 фоизни ташкил этган. АҚШ соғлиқни сақлаш миллий институтлари (NIH) ҳам гидроксихлорохиннинг коронавирусга қарши дори сифатидаги клиник синовларини тўхтатганди.
Бундан аввалроқ, Испания дори воситалари ва тиббий маҳсулотлар агентлиги ҳам безгакни даволашда кенг қўлланиладиган гидроксихлорохиннинг клиник синовларини тўхтатишга қарор қилганди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Ҳусийлар Россия нефтини олиб кетаётган кемага ракеталар учирди
Ўзбекистон U-23 терма жамоаси Индонезияни мағлуб этиб, финал ва Париж Олимпиадаси йўлланмасини қўлга киритди
Олмаотада ўликхона қўриқчиси жасадларни зўрлаганликда гумон қилинмоқда
Тошкентда «права» олиб бериш билан боғлиқ фирибгарлик ҳолатлари фош этилди
Президент Олимпиадага йўлланма олган футболчиларга табрик йўллади
Осиё кубоги: Ўзбекистоннинг ғалабасига хориждан қандай муносабат бўлмоқда?
Хитойда автомобиль йўлининг ўпирилиши оқибатида камида 24 киши ҳалок бўлди