Тошкентда бугундан бепул дори-дармон қутичалари тарқатилади

Бу ҳақда Халқаро пресс-клуб сессиясида ССВ ҳузуридаги Мувофиқлаштириш кенгаши раиси Ҳабибулло Оқилов маълум қилди. У ЎзА мухбирининг «Гидроксихлорохин» дори препарати ҳақидаги саволига жавоб берар экан, жумладан шундай деди:

– Сиз айтаётган «Гидроксихлорохин» дори препаратини стационар шароитда даволанаётган беморларда фойдаланяпмиз – деди Ҳ.Оқилов. - Аммо уй шароитида даволанаётган симптомсиз беморлар протоколидан олиб ташланди. Тўғри, уй шароитида даволанаётган беморларга бепул етказиб берилаётган дори-дармонлар қутичасида «Гидроксихлорохин» дори препарати бор эди. Эндиликда унинг ўрнига «Авиган» қўшилди ва 5 минг дона дори-дармон қутичаси тайёрланди. Улар эртадан бошлаб Тошкент шаҳри аҳолиси учун тарқатила бошлайди. «Замин»ни Telegram’да ўқинг!