13:30 / 27.07.2020
942

Ўз бурчини тушунган ота алимент пулларини тўлаб берди

Ўз бурчини тушунган ота алимент пулларини тўлаб берди
Фуқаролик ишлари бўйича Избоскан туманлараро судининг 22.05.2019 йилдаги суд буйруғига асосан қарздор З.Ахмадалиевдан ундирувчи Б.Ахмадалиева фойдасига икки нафар вояга етмаган фарзандларининг моддий таъминоти учун ҳар ойдаги иш ҳақи ва бошқа топган даромадларининг 1/3 қисми миқдорида алимент ундириш белгиланган.

Мажбурий ижро бюроси Пахтаобод туман бўлими ходимлари томонидан қарздор бир неча марта огоғлантирилишига қарамасдан, алимент тўловларини ўз вақтида тўламасдан келгани сабабли З.Ахмадалиевнинг алиментдан бўлган қарзи 10 млн 562 минг сўмга етиб борган.

Бироқ, карантин даврида ўз бурчини тушуниб етиб, фарзандлари таъминотини ўйлаган ота алиментдан бўлган жами қарзини тўлашга қарор қилди. Қарздор З.Ахмадалиев ундирувчи Б.Ахмадалиева фойдасига вояга етмаган фарзандларининг моддий таъминоти учун 10 млн 562 минг сўм алимент пулларини тўлаб берди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)