12:53 / 06.08.2020
1 998

Қўштепада яна 2 та оила яраштирилди

Қўштепада яна 2 та оила яраштирилди
Қўштепа тумани Баландмасжид қишлоғида яшовчи А.Холходжаев ва турмуш ўртоғи Ф.Холходжаевалар ўртасида қурилган оилага 2010 йилда дарз кетган бўлиб, фуқаролик ишлари бўйича Марғилон туманлараро суди 11.05.2010 йилдаги суд буйруғи билан отанинг зиммасига бир нафар вояга етмаган фарзанднинг таъминоти учун алимент тўлаш мажбуриятини юклаган эди.

Орадан 10 йил ўтиб жорий карантин вақти ота ва она ўзаро муносабатлари ҳақида ўйлаб кўришлари учун етарли муддат бўлди ҳамда улар билан Мажбурий ижро бюроси Қўштепа туман бўлими ходимлари томонидан ўтказилган тушунтириш ишлари натижасида улар ўзаро яраштирилиб, бузилган яна бир оила тикланди.

Ёки, Қўштепа тумани Қамиштепа қишлоғида яшовчи С.Собитов ва Ш.Собитовалар жорий йилнинг март ойида ўзаро ажрашиб кетишган ва 16.03.2020 йилдаги суд буйруғи асосида алимент тўлаш белгиланган.

Бўлимга таклиф этилган қарздор С.Собитов ва ундирувчи Ш.Собитовалар билан тушунтириш ишлари натижасига кўра уларнинг оиласи ҳеч қандай алимент тўловисиз қайта тикланиб, бутун оила сифатида уйга кузатилди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Қўштепада яна 2 та оила яраштирилди