21:30 / 15.08.2020
1 964

Олимлар коронавирусга қарши нанотана яратди

Олимлар коронавирусга қарши нанотана яратди
Фото: UCSF
50 нафар олимдан иборат гуруҳ COVID-19’га қарши курашда аэрозол сифатида фойдаланиш мумкин бўлган сунъий молекулани яратди. Молекула лама, туя ҳамда алпакада аниқланган антитаналар асосида яратилган, деб ёзади Vice.

Тадқиқотчилар ихтироси AeroNabс номини олган. Лойиҳа устида бир нечта лаборатория иш олиб борган, хусусан, Сан-Францискодаги Калифорния университети ва Американинг бошқа тадқиқот марказлари, шунингдек, Франциядаги лабораториялар.

Олимлар ўз мақоласида AeroNabс COVID-19’га қарши курашда ёрдам бериши, SARS-CoV-2 вирусининг ҳужайраларга ёпишишининг олдини олиши ҳақида ёзган. Олимларнинг фикрича, бундан инфекция профилактикаси ёки дастлабки босқичларда терапевтик восита сифатида фойдаланиш мумкин. Молекулалар вируснинг инсон организмида кўпайишига йўл қўймайди.

«Ўзаро таъсирнинг бузилиши вирус кириб боришини кучли нейтраллаштириб, вакцина ва терапевтик антитана ривожланиш йўлини таъминлайди», — дейилади мақолада. Эътиборли жиҳати, AeroNabс таъсиридаги вирус бошқа одамга юқмайди, чунки у сунъий зарралар билан боғланган бўлади. Ҳозирча AeroNabс клиник синовлардан ўтиб бўлмагани сабаб унинг пандемияда қанчалик самара бериши номаълум.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)