Интернет тармоғида Қозоғистон Республикаси ҳудудида гўёки жиноят содир этганликда асоссиз айбланаётган Ўзбекистон Республикаси фуқароси 59 ёшли Бердиев Ҳуррам Хасановичнинг қўлга олинганлиги ҳақида хабарлар тарқамоқда.
Мазкур факт бўйича қуйидагиларни маълум қиламиз. 2013 йилнинг охирида Тошкент шаҳар ҳуқуқни муҳофаза қилувчи органларига фуқаро Э.Э. ва Ф.П.лардан келиб тушган аризада мазкур фуқаролар 2013 йилнинг август ойининг охирида уларга Чимкент шаҳрида (Қозоғистон Республикаси) катта маош тўланадиган иш таклиф қилган бир гуруҳ шахсларга нисбатан чора кўришни сўрадилар. Жабрланувчиларга қонуний ишга жойлашиш ваъда қилинган. Ўша йилнинг ўзида ўзларини “Мустақил мардикорлар ташкилоти” вакиллари сифатида таништирган шахслар Э.Э. ва Ф.П.ларни Чимкент шаҳрига олиб кетишган. Чимкентга етиб боргач, уларнинг паспортларини олиб қўйишган ва қурилишда ишлашга мажбур қилиб, ваъда қилинган маошни тўлашмаган.
2013 йилнинг 19 декабрь куни Тошкент шаҳар ИИББ Тергов бошқармаси томонидан жабрланувчиларнинг аризаларига асосан Ўзбекистон Республикаси Жиноят кодексининг 135 моддаси (“Одам савдоси”) “б” банди 2 қисми бўйича жиноий иш қўзғатилди. Дастлабки тергов давомида мазкур жиноятни содир этганликда гумонланувчи шахслар аниқландилар. Улар сурхандарёлик 1961 йилда туғилган Бердиев Ҳуррам, Джуманиязов Н. Р. ва Тиллаев Ф. Х. бўлганлиги маълум бўлди. Джуманиязов Н. Р. ва Тиллаев Ф. Х. лар жиноий жавобгарликка тортилиб, маҳкум этилдилар. Бердиев Ҳуррам эса 2014 йилнинг январь ойида қидирувга эълон қилинди.
2020 йилнинг февраль ойида Бердиев Ҳуррамнинг турар жойи аниқланди ва Қозоғистон Республикаси ҳуқуқни муҳофаза қилувчи органлари ҳамкорлигида қўлга олинди. 17 август куни, карантин чекловлари қисма бекор қилингач, Бердиев Ҳуррам қонуний чора кўрилиши учун Ўзбекистонга этап қилдирилди. Шунингдек маълум қиламизки, Бердиев Ҳуррам Ўзбекистон Республикаси Жиноят кодексининг 135 моддаси “г” банди 3 қисмида назарда тутилган жиноятни содир этганликда айбланмоқда. Унга қарши бошқа ҳеч қандай айблов кўзда тутилмаган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Тошкентда 02 кодли авторақамлар тахминан қачон пайдо бўлиши айтилди
АҚШнинг Ғазодаги сиёсатидан норози Давлат департаменти расмийси истеъфога чиқди
Лукашенко Ғарбга таҳдид билан чиқди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Қайси кундалик одатлар иммунитет пасайишига олиб келишини биласизми?
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
