3 678
Зангиотадаги COVID-19 касалхонаси олдида маййитларни олиб кетиш учун юзага келган навбат видеоси тарқалди
Ижтимоий тармоқлар ва Telegram’даги оммабоп каналларда Зангиотадаги коронавирусга чалинган беморларни даволашга ихтисослаштирилган юқумли касалликлар шифохонаси дарвозаси олдида юзага келган навбат видеоси тарқалди — видеодан англашилишича, навбатда турганлар шифохонада вафот этган яқинларини олиб кетиш учун келганлардир; таъкидланишича, «кунлаб навбат кутаётганлар бор».
Видеода фуқаролар улар билан мулоқотга чиққан шифохона масъулига қарата «майит ювувчиларни кўпайтириш»ни талаб қилаётгани, масъул ходим эса «қўлида бўлганида, ювувчиларни кўпайтириб қўйган бўлиши»ни айтаётганини кўриш мумкин. Айни вақтда дарвоза олдидаги масъуллардан бири фуқароларга «юқорироқ жойга мурожаат қилиш»ни тавсия этган.
Видео шифохонани қўриқлашга жалб этилган ҳарбий хизматчилардан бири фуқаро дарвоза олдидаги жараённи тасвирга тушираётганини пайқаб қолиб, унинг олдига яқинлашиб келганидан сўнг якунига етган. Ушбу видеоёзув юзасидан ҳозирча на Соғлиқни сақлаш вазирлиги, на бошқа ташкилотлар изоҳ берганича йўқ.
— Shukhrat (@bankir2102) October 19, 2020
Ижтимоий тармоқларда видеога илова қилинган матнда таъкидланишича, «шифохонанинг ўликхонасидан майитларни олиб кетиш қийин бўлиб қолган – одамлар қариндоши вафот этганлигини тасдиқловчи ҳужжатни олиб келиб ҳам, соатлаб кутишга мажбур бўлмоқда, тобут ташийдиган машиналар эса нархларни 700 мингдан бошлаб кўтариб ташлаган».
Куни кеча ижтимоий тармоқларда соғлиқни сақлаш вазири биринчи ўринбосари Абдуҳаким Хаджибаевнинг Зангиотадаги шифохонада ўтказилган йиғилишдаги сўзлари аудиоёзуви тарқалиб кетган, унда амалдор «кислород босими тушиб кетаётгани учун» ушбу шифохонада «ҳар куни бир неча одам ўлаётгани»ни таъкидлагани маълум бўлган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди