Инновацион ривожланиш вазири Иброҳим Абдураҳмонов Тошкент шаҳрида жойлашган учта поликлиникада кўнгиллиларда коронавирусга қарши вакциналар синови ўтказилаётганини маълум қилди. Бу ҳақда вазир «Ўзбекистон 24» телеканалига берган интервьюсида айтиб ўтган.
«Тошкент шаҳридаги учта поликлиникада кўнгиллиларда коронавирусга қарши вакциналар синовини бошлаб юбордик. Тиббий кўрикдан ўтказиш жараёни — бу энг кўп вақт оладиган жараён ҳисобланади, у оммавий эмлаш жараёни эмас. Бу илмий-тадқиқот жараёнидир.
Учинчи синовларнинг бошида вазирлигимиз раҳбарияти, шахсан ўзим ҳам бир ой олдин вакцина билан эмландик. Бир ой ичида ўзимизда бирорта ножўя таъсирларни сезганимиз йўқ. Дастлабки натижалар антитаналар ҳосил бўлаётганини кўрсатмоқда.
Ушбу вакцина генлар инженерлиги йўли билан яратилган, рекомбинант оқсилга асосланган вакцинадир. Бунда оқсилнинг кичкина бўлаги клонлаштирилиб, бунда вирус структурасидаги бошқа бирорта компонент инсон организмига яқинлашмайди. Кўнгилли сифатида иштирок этаётган халқимизга катта раҳмат айтамиз, бу жараённи самарали якунлаймиз деган умиддаман», — дейди инновацион ривожланиш вазири.
Аввалроқ Иброҳим Абдураҳмонов бир неча кўнгиллилар, шу жумладан, ўз оила аъзолари ҳам икки ҳафта олдин Хитой рекомбинант вакцинасини олгани, 14 кундан бери бирорта ножўя таъсири кузатилмаганини маълум қилганди.
Эслатиб ўтамиз, декабрь ойи бошларида Россия саноат ва савдо вазири Денис Мантуров Ўзбекистонда рўйхатдан ўтказиш ва мамлакат ҳудудида вакциналар ишлаб чиқариш саноатини ишга тушириш учун зарур бўлган коронавирусга қарши «Спутник V» вакцинасининг 100 та дозасини шахсан ўзи Тошкентга олиб келган эди.
Ноябрь охирида эса соғлиқни сақлаш вазири 2020 йил охири ёки 2021 йил бошларида Ўзбекистон «Спутник V» вакцинасининг клиник синовларига киришишни мўлжаллаётганини маълум қилганди. Ўзбекистонда 2021 йилнинг июнига қадар 60 фоизгача аҳолини коронавирусга қарши эмлаш режалаштирилган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди
