МИБ фаолиятидан: Сирдарё ва Хоразмдаги оилалар ҳам яраштирилмоқда

Мамлакатимизда оилавий ажримларнинг олдини олиш бўйича мунтазам чора-тадбирлар амалга оширилиб, бу борада давлат идоралари ва жамоат ташкилотлари ҳамкорлигига алоҳида эътибор қаратилмоқда. Оиладаги нотинчлик, ажримлар сабаб фақат эр-хотин азият чекмайди.

Бундай ҳолатларда ўша оила фарзандлари – эртамиз эгалари бўлган ёшлар камолоти ҳам сўроқ остида қолади. Ажримлар камайиши учун барча имкониятлар ишга солинмоқда. Мажбурий ижро бюроси ходимлари ҳам нафақат алимент қарздорликларини ундириш, шу билан бирга, ажрашган оилаларни яраштиришга ҳам кўмаклашмоқда.

Фуқаролик ишлари бўйича Оқолтин туманлараро судининг 14.03.2019 йилдаги суд буйруғига асосан қарздор С.Шеровдан ундирувчи Х.Шеровага бир нафар фарзандининг моддий таъминоти учун алимент ундириш тўғрисидаги ижро ҳужжати бўйича Бюронинг Сардоба туман бўлими давлат ижрочилари томонидан олиб борилган тушунтиришлар натижасида оилавий келишмовчиликка чек қуйилди.

Шу ўринда, 2021 йилнинг 20 кунида туман бўлими давлат ижрочилари томонидан 10 та оила қайта тикланди. Бундай хайрли ишларда болажонларимизнинг қувончи чексиз.

Оила – муқаддас. Уни асраб-авайлаш ҳар биримизнинг бурчимиз. Бундай хайрли ишлар давом этади. Фарзандни камолга етказиш, тўғри тарбия бериш, ҳар томонлама баркамол қилиш ҳар бир ота-онанинг вазифаси ва бурчидир. Аммо жамиятимизда бу вазифа ва бурчга беписант ва эътиборсиз бўлган ота-оналар ҳам учраб туради.

Маъсулият ва бурчни янада ошириш мақсадида Мажбурий ижро бюроси Боғот туман бўлими томонидан ажрашган оилаларни тиклаш, вояга етмаган фарзандларнинг баркамол тарбия топиши, ажрашган оилалар сонининг камайтириш юзасидан бир қатор ишлар амалга оширилиб келинмоқда.

Жумладан, шу йилнинг 20 январь кунига қадар бўлим томонидан 10 нафар ажрашган оилалар яраштирилиб, бирга яшаб ҳаёт кечиришмоқда. Оддийгина айтганда, ажрашган оилаларни тиклаш, вояга етмаган фарзанднинг баркамол тарбия топиши, ажрашган оилалар сонининг камайишига эришилди. «Замин»ни Telegram’да ўқинг!