08:30 / 17.02.2021
576

“Hyundai Porter”даги 210 миллион сўмлик телевизорлар

“Hyundai Porter”даги 210 миллион сўмлик телевизорлар
Божхона органлари томонидан юртимизга ноқонуний йўллар билан товар-моддий бойликларининг ноқонуний равишда олиб кирилишига карши мунтазам тезкор тадбирлар ўтказилиб келинмоқда.

Жумладан, Фаргона вилояти божхона бошқармаси Контрабандага карши курашиш ва божхона аудити бўлими томонидан Боғдод туманида навбатдаги тезкор тадбир ўтказилди.

Тадбир давомида, фуқаро Н.Б. бошқарувидаги “Hyundai Porter” русумли юк автотранспорт воситаси Боғдод туманида тўхтатилиб ўрнатилган тартибда кўздан кечирилди.

Натижада, мазкур автотранспорт воситаси юкхонасида хорижда ишлаб чиқарилган, божхона расмийлаштирувидан ўтганлигини тасдиқловчи ҳужжатлари бўлмаган, қиймати 210 миллион сўмлик 70 дона телевизорлар борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмокда.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)