09:00 / 21.02.2021
602

Наманганда поезд ва «ЗИЛ» тўқнашуви оқибатида юк машина ҳайдовчиси жиддий жароҳат олди

Наманганда поезд ва «ЗИЛ» тўқнашуви оқибатида юк машина ҳайдовчиси жиддий жароҳат олди
Фото: Наманган вилояти ИИБ
Наманганда электропоезд ва юк машинаси тўқнашиб кетди, дея хабар бермоқда вилоят ИИБ.

Маълум қилинишича, 2021 йилнинг 20 февраль куни соат 07:10 ларда Роустон-Тўрақўрғон темир йўл оралиғидаги 82-километр 9-пикетда Наманган тумани «Миришкор» МФЙ ҳудудидан ўтган, қўриқланмайдиган темир йўл кесишмасида Фарғона вилоятида яшовчи 24 ёшли ҳайдовчи бошқарувидаги «ЗИЛ-131» русумли юк машинаси ҳаракат хавфсизлигини таъминлай олмаган.

Оқибатда темир йўлда ҳаракатланиб келаётган электропоезд билан тўқнашув содир бўлган.

Фото: Наманган вилояти ИИБ
Натижада «ЗИЛ-131» ҳайдовчиси кўкрак қафаси ёпиқ шикасти, ўнг томон қовурғалари ёпиқ синиши тан жароҳати билан Наманган туман марказий шифохонасига ётқизилган. Электропоезд эса соат 07:48 да ҳаракатни давом эттирган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)
Мавзуга оид янгиликлар


Янгиликлар » Жамият » Наманганда поезд ва «ЗИЛ» тўқнашуви оқибатида юк машина ҳайдовчиси жиддий жароҳат олди