19:40 / 05.03.2021
759

“Дамас”даги найранг иш бермади

“Дамас”даги найранг иш бермади
Сифати кафолатланмаган тиббиёт буюмларининг ноқонуний айланмасига қарши божхона органлари томонидан тизимли равишда кураш олиб борилмоқда.

Хусусан, Сирдарё вилояти божхона бошқармаси Контрабандага қарши курашиш ва божхона аудити бўлими ходимлари Давлат хавфсизлик хизмати ва Ички ишлар органлари билан ҳамкорликда тезкор тадбир ўтказишди.

Тезкор тадбир давомида, фуқаро С.О. бошқарувидаги “Дамас” русумли автомашина тўхтатилиб, холислар иштирокида кўздан кечирилганида ушбу автомашинада йўловчи сифатида кетаётган фуқаро А.К.га тегишли бўлган, хорижда ишлаб чиқарилган ва сифати кафолатланмаган умумий қиймати 116,5 миллион сўмлик тиббиёт буюмлари борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » “Дамас”даги найранг иш бермади