22:44 / 28.03.2021
608

Қорақалпоғистонда ЙҲХБ инспекторига 6 млн сўм пора берган ҳайдовчи ушланди

Қорақалпоғистонда ЙҲХБ инспекторига 6 млн сўм пора берган ҳайдовчи ушланди
Фото: Бош прокуратура ҳузуридаги Департамент матбуот хизмати
Қорақалпоғистоннинг Тахиатош туманида ЙҲХБ инспекторига пора берган ҳайдовчига нисбатан жиноят иши қўзғатилди, дея хабар бермоқда Бош прокуратура ҳузуридаги Департамент матбуот хизмати.

Маълум қилинишича, Департаментнинг Тахиатош туман бўлими томонидан ИИБ ходимлари билан ҳамкорликда тезкор тадбир ўтказилган. Тадбирда фуқаро А.Ю. ўзига тегишли автотранспорт воситасини маст ҳолда бошқарганлиги юзасидан тузилган баённомада таниши И.И.ни ҳуқуқбузар деб кўрсатишни таклиф қилиб, эвазига ЙҲХБ катта инспектори А.Б.га 6 миллион сўм пора берган вақтида ашёвий далиллар билан ушланган.

Мазкур ҳолат юзасидан А.Й.га нисбатан Жиноят кодексининг 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Қорақалпоғистонда ЙҲХБ инспекторига 6 млн сўм пора берган ҳайдовчи ушланди