Тошкент марказидаги кўп қаватли бинонинг бир қисми қулаб тушди

Бугун, 31 март куни ижтимоий тармоқларда пойтахт кўчаларидан бирида бинонинг бир қисми қулаб тушгани акс этган видео тарқалди. Аслида, ушбу холат Тошкент шаҳар Юнусобод туманининг Амир Темур кўчасида жойлашган собиқ “Аурум” ресторани жойлашган бинони режали бузиш ишлари акс этган тасвирлардир.

Маълумот учун, ушбу жойда кўп қаватли турар-жой биноси қурилиши режалаштирилган. Ушбу ишлар барча хавфсизлик қоидаларига риоя қилинган ҳолда девор билан ўраб олиниб бузиш ишлари амалга оширилмоқда.