Юртимизда коронавирусга қарши эмланганлар сони ҳақида маълумот берилди

^{Фото: ССВ}
Вакцинациянинг учинчи кунида Тошкент ва Нукус шаҳарлари ҳамда вилоят марказларидан жами 9551 нафар фуқаро эмланди.
Вакцина олганларнинг 3441 нафарини 65 ёшдан юқори фуқаролар ва 6110 нафарини тиббиёт ходимлари ташкил қилди.

3 апрель кунидаги эмлаш кўрсаткичлари бўйича юқори ўринларни:
Тошкент шаҳри (2105 нафар),
Бухоро вилояти (1166 нафар),
Андижон вилояти (1083 нафар),
Тошкент вилояти (844 нафар) банд қилди.

Эслатиб ўтамиз, шу йилнинг 1 апрель куни 5018 нафар, 2 апрель куни 9211 нафар фуқаро эмланган эди.
Эмлаш жараёнлари давом этади. «Замин» янгиликларини «Вконтакти»да кузатиб боринг