Қибрайда экин майдонлари бузилаётгани ҳақида видео тарқалди

^{Фото: Видеолавҳадан скриншот}
Ижтимоий тармоқларда Тошкент вилояти Қибрай туманида 9 гектарлик тайёр пишган қулупнайзор бузиб ташлангани ҳақида видео тарқалди. Воқеа 2021 йил 14 май куни содир бўлгани айтилмоқда.

Видео лавҳада бир гуруҳ кишиларга ҳуқуқни ҳимоя қилиш органлари вакиллари қаршилик кўрсатаётгани ва трактор ёрдамида ўсиб турган экинзор бузиб ташланаётганини кўриш мумкин. Ҳолат юзасидан расмий изоҳ берилгани йўқ.