Андижонда мижозининг жами 100 минг долларлик муаммосини «ҳал этиб берган» экстрасенс қўлга олинди

Андижонда олти ой давомида ўз мижозининг 100 минг доллардан ортиқ муаммоларни ҳал этишга «ёрдам берган» экстрасенс ушланди, деб хабар беради «Постда» газетаси.

Андижонда 40 ёшли А.К. исмли аёл интернетда ўзини Диана деб таништирган аёл билан танишиб қолган. У экстрасенс бўлиб ишлашини ва аёлга унинг уйидаги муаммоларни ҳал этишга ёрдам беришига ишонтирган. Фаол ёзишмалардан сўнг, Диана Андижондаги кичик туманлардан бирида яшаши маълум бўлган.

А.К.нинг муаммолари етарли бўлган. У Дианада уларни ҳал этишда ёрдам сўраган. Аёлнинг ишончига осонликча кириб олган Диана турли жодулар, карта ва қаҳва қолдиғида фол очишлар билан унга «ёрдам бера бошлаган».

2020 йилнинг декабридан 2021 йилнинг майига қадар эсктрасенс андижонлик аёлнинг 300 миллион сўмлик қимматбаҳо буюмлари, 83 минг доллари ва 6 миллион сўмини қўлга киритган. Ўзининг алданганини тушуниб етган А.К. Андижон шаҳар ИИБга ариза ёзган.

Тезкор ходимлар томонидан Диана қўлга олинган бўлиб, у вилоят марказида истиқомат қилувчи М.Я. исмли аёл бўлиб чиққан. Унга нисбатан Жиноят кодексининг 168-модда (фирибгарлик) 4-қисми билан жиноят иши қўзғатилган. Ҳозирда тергов ҳаракатлари олиб борилмоқда. “Замин” янгиликларини “Youtube”да кузатиб боринг