15:35 / 12.06.2021
1 534

Уч нафар шахснинг кирдикори фош бўлди...

Уч нафар шахснинг кирдикори фош бўлди...

Сирдарё вилояти, Ховос туманида фуқароларни ўқишга киритиб қўйишни ваъда қилган фирибгарларнинг кирдикорлари фош бўлди.
Бош прокуратура ҳузуридаги Департаментнинг Ховос туман бўлими томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувда, Ховос туманида яшовчи фуқаро О.А. ва бошқалар олдиндан тил бириктириб, 3 нафар фуқарони ўзларининг Гулистон давлат университетида ишловчи «Ш.» исмли таниши орқали университетнинг сиртқи бўлимига ўқишга киритиб қўйиш эвазига уларнинг 6 400 АҚШ долларини қўлга киритганлиги аниқланган.

Бундан ташқари фуқаро З.А.га 3,5 млн сўм ва У.М.га 9,1 млн сўм пулни «контракт тўловлари» учун тўлатиб, уларга талабалар сафига қабул қилинганлиги тўғрисида сохта буйруқларни тақдим этганликлари аниқланган.

Мазкур ҳолат юзасидан Жиноят кодексининг 168-моддаси (фирибгарлик) 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Уч нафар шахснинг кирдикори фош бўлди...