22:00 / 08.08.2021
2 394

Қашқадарёдаги имтиҳонларда бировнинг ўрнига кирган 14 нафар сохта абитуриент ушланди

Қашқадарёдаги имтиҳонларда бировнинг ўрнига кирган 14 нафар сохта абитуриент ушланди

Фото: Қашқадарё вилояти ИИБ матбуот хизмати
Ўзбекистоннинг барча ҳудудларида 5 августдан 2021/2022-ўқув йили учун тест имтиҳонлари бошланди. Имтиҳон вақтида телефондан фойдалангани аниқланган абитуриентлар далолатнома асосида тест синовларидан четлаштирмоқда.

Хусусан, Қашқадарё вилояти ИИБ матбуот хизматининг маълум қилишича, Қарши шаҳридаги «Насаф» ўйингоҳида ўтказилган тест синовларида имтиҳонлар бошланганидан то шу кунгача ўзганинг ўрнига кирган 14 та, уяли телефондан фойдаланган 17 та, яширинча овоз эшитиш мосламасидан фойдаланган 4 та ҳолат аниқланган.

Ҳозирда аниқланган ҳолатлар юзасидан суриштирув ишлари олиб борилмоқда.

Эслатиб ўтамиз, олий таълим муассасаларининг бакалавриат таълим йўналишларига кириш тест синовлари стадион ва хиёбонларда ўтказилмоқда. Давлат тест маркази берган маълумотга кўра, жорий ўқув йили учун 948 минг 211 нафар абитуриент рўйхатдан ўтган.

ДТМ директори ўринбосари Сардор Ражабов барча абитуриентларга биринчи навбатда ўз билимига ишонишга чақириб, қоидани бузаётганлар ҳақида маълумот беришни сўради.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)
Мавзуга оид янгиликлар


Янгиликлар » Жамият » Қашқадарёдаги имтиҳонларда бировнинг ўрнига кирган 14 нафар сохта абитуриент ушланди
[/banner_pushhouse