2 960
Сурхондарёда ҳайдовчи ЙПХ ходимини Lacetti капотида 4 километргача судраб кетди (видео)
Ижтимоий тармоқда 27 сентябрь куни яна бир ЙПХ ходими капот устида судраб кетилгани айтилган видеолавҳа тарқалди. Вилоят ИИБ матбуот хизмати ҳолат юзасидан расмий маълумот берди.
Унда айтилишича, воқеа 13 сентябрь куни Сурхондарё вилояти, Қумқўрғон туманида юз берган. Туманнинг «Сурхон соҳили» МФЙ ҳудудида хизмат олиб бораётган ЙПХ ходими Lacetti ҳайдовчиси Т.Х. йўлнинг қатнов қисмида сабабсиз тўхтаб, сунъий тирбандлик ҳосил қилгани сабабли ушбу автомашина ҳайдовчисининг ёнига бориб, ўзини таништирган ва тегишли ҳужжатларни тақдим этишни, машинани йўлнинг четига олишини айтган.
Ҳайдовчи инспекторнинг қонуний талабини бажармасдан автомашинани унинг устига ҳайдаган. Ходим тўхтаб турган автомашина олдида бўлганлиги сабабли унинг олд капотига осилиб қолган. Ҳаракатланиб бораётган автомашина олд қисмида бўлган ЙПХ инспектори ҳайдовчини бир неча маротаба огоҳлантиришига қарамасдан уни, тахминан, 3-4 километр масофагача ҳайдаб кетган.
ЙҲХББ хабарида айтилишича, автомобиль, тахминан, шунча масофагача ҳаракатлангандан сўнг ходим ерга қулаб тушган. Инспектор тан жароҳати билан туман тиббиёт бирлашмасига мурожаат қилган.
Бош прокуратура матбуот хизматининг маълум қилишича, ҳолат юзасидан Қумқўрғон тумани прокуратураси томонидан Жиноят кодексининг 219-моддаси (ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноят иши қўзғатилиб, тергов ҳаракатлари олиб борилмоқда. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Эрон президенти жиддий баёнот берди: «Исроилдан ҳеч нарса қолмайди»
Қайси кундалик одатлар иммунитет пасайишига олиб келишини биласизми?
Владимир Путин «Крокус»да содир этилган теракт учун ўч олишга чақирди