Ноқонуний равишда ишдан бўшатилган икки нафар ходимлар МИБ томонидан ишига қайта тикланди

Фуқаролик ишлари бўйича Навбаҳор туманлараро судининг 2021 йил 27 июлдаги фуқаро А.Қ. ва Ш.М.ларни Нурота туманидаги қоракўл-наслчиликка ихтисослашган масъулияти чекланган жамиятига ишга тиклаш ҳақидаги ижро ҳужжатлари юзасидан Бюронинг Нурота туман бўлими томонидан ижро ҳаракатлари олиб борилган.

Ижро ҳаракатлари давомида масъулияти чекланган жамиятнинг “Меҳнат шартномасини бекор қилиш тўғрисида”ги буйруғи бекор қилиниб, асоссиз бўшатилган ходимлар аввалги иш жойига тикланиши таъминланди.

Маълумот учун, ушбу ходимлар муқаддам ижтимоий тармоқларда ишга тикланишида ижро ҳаракатлари кечикаётганлиги ҳақида ҳам танқидий хабаралар беришган эди. «Замин»ни Telegram’да ўқинг!