Гарвард олимлари одамларга ҳар куни карам тановул қилишни маслаҳат беришади. Улар айтишига кўра, ярим тарелка карам С витаминига бўлган кунлик эҳтиёжнинг 45%ини қондиради. Sputnik Арманистон карамни ҳар куни ейиш учун бешта сабаб топишди.
“Манфий” калориялик
Ҳар қандай сабзавот ҳам ўзининг ҳазм бўлиши учун сарфланган энергия ундан олинаётган энергиядан кўплиги билан мақтана олмайди. Бир товоқ туғралган карамда эса, атиги 22 калория бор. Агар сиз вазн ташлашни орзу қилаётган бўлсангиз, таомномангиздаги айрим юқори калорияли ингредиентларни карамга алмаштиришга ҳаракат қилиб кўринг.
Масалан, бутербродни нон бўлаги устига эмас, карам баргига ўраб тайёрланг. Ё бўлмасам лағмон ўрнига майдаланган карам истеъмол қилинг.
Яллиғланишга қарши ва вирусга қарши таъсири
Қизил карамда флавоноидлар жуда кўп. Улар карамга ноодатий қизил ранг бериб туради. Лекин уларнинг асосий фойдаси – жуда кучли яллиғланишга, вирусларга ва саратонга қарши курашиш хусусиятларидир. Қизил карамдан тайёрланган салат касаллик ривожланишини олдини олиши мумкин. Гарвард олимлари қизил карамдан фойдали таомнома таклиф қилишмоқда:
Яримта қизил карамни майдалаб тўғраб, бир неча томчи зайтун ёғи ва олма сиркасига аралаштиринг. Унга туз ва қалампир қўшинг. Фойдаси янада кўпроқ бўлиши учун бироз қирилган сабзи қўшинг.
Клетчатка манбаи
Таркибида клетчатка миқдори бўйича рекордчи – Пекин карами. Ундан кўпинча суюқ овқат ва қовурмаларда фойдаланилади. Пекин (ёки Хитой) карамининг иккинчи номи Напа бўлиб, у озуқа толаларига жуда бой.
Ҳазм бўладиган клетчатка инсон организмида холестерин миқдорини камайтиради ва юрак-қон томир касалликлари хавфини камайтиради. Ҳазм бўлмайдиган клетчатка эса – овқат ҳазм қилишни енгиллаштиради ва организмнинг умумий ҳолатини яхшилайди.
Шунингдек, пекин карами қандли диабет касали борлар учун жуда фойдали. Уни истеъмол қилган киши узоқ вақт давомида ўзини тўқ сезиши мумкин.
Ҳарорат назоратчиси
Ривоятга кўра, бейсболчи Бейб Рут ҳар доим ўйиндан олдин бош кийими остига совутилган карам баргларидан бир нечтасини қўйиб олган. Шу тариқа у жазирама иссиқ кунларда жунли униформада ўзини яхшироқ ҳис қилган. Эксперт айтишига кўра, совутилган карам барглари шамоллаган кишининг тана ҳароратини туширишда ҳам фойда бериши мумкин. Карам барглари бош оғриғини ҳам камайтириши мумкин. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организм ўзини токсинлардан қандай тозалайди?
АҚШ ҳарбийлари орасида ўз жонига қасд қилиш кўпайди
АҚШ Исроилнинг икки вазирига санкция қўлламоқчи
Буйрак саломатлиги учун энг фойдали сабзавот...
Яхши пишган ва мазали анор танлашга ёрдам берадиган тавсиялар
Apple донгдор икки айфонини расман эскирган деб эълон қилди
Энди операциядан сўнг кесмалар ўрни икки баробар тезроқ битиши мумкин
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
