«Uzbekistan Airways» йўловчиларга эслатма билан чиқди

«Uzbekistan Airways» Буюк Британияга бораётган йўловчи ва саёҳатчиларга эслатма берди. Қайд этилишича, 2021 йил 7 декабрдан SARS-CoV-2’нинг янги «омикрон» штамми пайдо бўлиши муносабати билан Буюк Британия ҳукумати мамлакатга кириш қоидаларига ўзгартиришлар киритган.

Мавжуд қоидаларга қуйидаги қўшимча қоидалар киритилди:

• 12 ёшдан ошган барча йўловчилар, эмлаш ҳолатидан қатъий назар, Буюк Британияга келишдан камида 48 соат олдин ўтказилган ПЗР-тестининг салбий натижасини тақдим этган тақдирдагина мамлакатга киришлари мумкин;
  
• Шунингдек, Буюк Британияга келгандан кейин иккинчи куни ПЗР-тестини қайта топшириш мажбурий этиб белгиланган.