
«Uzbekistan Airways» янги йил байрам кунлари арафасида – 2021 йилнинг 29 декабридан 31 декабрига қадар Тошкентдан Нукус, Урганч ва Бухоро шаҳарларига қўшимча қатновларни йўлга қўяди.
Авиакомпания хабарига кўра, авиачипталар қуйидаги ҳаракат жадвали бўйича амалга оширилади (маҳаллий вақт):
Тошкент-Бухоро-Тошкент йўналишида 29 декабрь чоршанба куни қўшимча қатнов амалга оширилади. Тошкентдан жўнаб кетиш - 17:00, Бухорога етиб келиш - 18:10. Бухородан жўнаб кетиш - 18:50, Тошкентга етиб келиш - 19:50.
Тошкент-Нукус-Тошкент йўналишида 29 декабрь ва 31 декабрь кунлари қўшимча рейслар амалга оширилади. Тошкентдан жўнаб кетиш - 13:10, Нукусга келиш - 14:50. Нукусдан жўнаб кетиш - 15:30, Тошкентга етиб келиш - 16:50.
Тошкент-Урганч-Тошкент йўналишида 29 декабрь ва 31 декабрь кунлари қўшимча рейслар амалга оширилади. 29 декабрь чоршанба: Тошкентдан жўнаб кетиш - 19:30, Урганчга етиб келиш - 21:00; Урганчдан жўнаб кетиш - 22:00, Тошкентга етиб келиш - 23:20. 31 декабрь жума: Тошкентдан жўнаб кетиш - 12:50, Урганчга етиб келиш - 14:20; Урганчдан жўнаб кетиш - 15:20, Тошкентга етиб келиш - 16:40.
Авиачипталарни авиакомпаниянинг расмий сайтидан, Uzbekistan Airways Sales филиалидан ёки авиакомпания агентларидан харид қилиш мумкин. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар