Фото: «СеверПост»
Байрамона таомлар нафақат саломатликка зарар етказади, балки Янги йил кайфиятига ҳам таъсир ўтказиши мумкин.
Янги йил дастурхони ҳақида гап кетганда барчанинг кўз олдида хилма-хил таомлар-у ширинликлар, шарбатлардан тортиб газли ичимликларгача пайдо бўлади.
Гўёки уларсиз байрам дастурхонини тасаввур қилиш қийин. Аммо бу каби шоҳона дастурхондаги таомларга тиббиёт томонидан ёндашилса, байрам зиёфатида истеъмол қилинадиган кўплаб таомлар соғлиққа катта зарар етказади. Келаётган йилда соғлиқ борасида муаммоларга дуч келмаслик учун эҳтиёт бўлиш кераклигини унутмаслик лозим.
Маринадланган егуликлар
Фото: Marie Claire
Туз, шакар, зиравор, сирка, шароб – бундай қисм одатда тузламаларда мужассам бўлади. Улар салат ёки бошқа бир таомлар таркибида ва алоҳида истеъмол қилиш учун ҳам дастухондан жой олади. Яхши томони шундаки, тузламалар овқат ҳазм қилиш интенсивлигини оширади, иштаҳани очади. Шунинг учун ҳам ортиқча овқатланиш хавфи автоматик тарзда ортади. Аммо ҳар қандай таом ва тузланган бодрингни меъёридан ортиқ истеъмол қилиш шиллиқ қаватни осонгина безовта қилади. Натижада ошқозон бузилиши кузатилади.
Газланган ичимликлар
Фото: Marie Claire
Масалан, 1 литр кола таркибида 100 граммгача шакар бор ва унинг энергия қиймати 400 ккални ташкил этади. Маълумки, газланган ичимлик байрам дастурхони учун сотиб олиниши керак бўлган биринчи маҳсулотдир. Аммо улар танадан кальцийни чиқариб ташлайди, бўёқ, ширин таъм берувчи сунъий қўшимчалар ва ортофосфор кислотаси ҳақида гапирмаса ҳам бўлади. Яхшиси, газланган ичимликларни шарбат ёки чойлар билан алмаштириш мақсадга муфоқдир.
Салатлар
Фото: Marie Claire
Анъанага кўра, байрам дастурхонида оливе ва мимоза салатлари бошчилик қилади. Аммо иккала салат ҳам ўз ичига бир неча маҳсулотни олувчи мураккаб таркибга эга. Муаммо шундаки, маҳсулотларнинг кўпини бир-бири билан ҳазм қилиш қийин. Шунингдек, майонез ва бошқа соуслар билан жараён янада қийинлашади. Масалан, майонез ўрнига кам ёғли сметана ёки йогуртдан фойдаланиш мумкин. Колбаса ўрнига эса гўшт, тузланган бодринг эмас, шунчаки оддий бодрингдан салат тайёрлаш олдиндаги муаммоларни бироз бўлсада бартараф этади.
Торт ва ширинликлар
Фото: Marie Claire
Одатда ширинлик ва тортлар қорин тўйиб, ҳазм қилиш жараёнига ўтишни бошлаганда истеъмол қилинади. Агар байрам дастурхонидан юқоридаги барча нарса истеъмол қилинган бўлса-ю, навбат торт ёки ширинликка келган бўлса, ошқозон бунинг учун ҳеч қачон «раҳмат» айтмайди. Ширинликка жуда ўчлар эса уларни мевалар билан алмаштириши мумкин.
«Тарталетка»лар
Фото: Marie Claire
Хамирдан тайёрланган «тарталетка»лар ичига зайтундан тортиб, қизил икрагача солиниши мумкин. Юқори калорияга бой хамир ичидаги «начинка»лар эса яна ошқозон учун оғирлик қилади ва унинг зўриқишига олиб келади. Шундан сўнг ортиқча вазн, ошқозондаги нозик муаммолар билан курашишга тайёр туриш мумкин, албатта.
Мандаринлар
Фото: Marie Claire
Мандарин фақатгина янги йил меваси эмас. У жуда фойдали хусусиятларга эга. Таркибида бета-каротин, калий, А витамини, антиоксидант ва бошқа кўп миқдордаги моддалар мавжуд. Лекин байрам дастурхонида ортиқча истеъмол қилинган мандаринлар аллергия, жиғилдон қайнаши ва гастрит хуружини келтириб чиқариши мумкин. Шунинг учун байрам куни уни бошқа мевалар билан алмаштириш фойдадан ҳоли бўлмайди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яхши пишган ва мазали анор танлашга ёрдам берадиган тавсиялар
Эрдўғон Туркия Исроил билан алоқаларини узганини маълум қилди
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ ҳарбийлари орасида ўз жонига қасд қилиш кўпайди
Жо Байден: “Баъзан хотиним мени космосга жўнатиш билан таҳдид қилади”
Блинкен Исроилдан учта муаммони ҳал этишни талаб қилди
Ҳар қандай катта ёшдаги киши етук эмас
Пашинян Арманистоннинг Мустақиллик декларацияни энг катта муаммо ва фожиа деб атади
