Наманганда салкам 6 миллионлик ёғ ўғриси ушланди

2021 йилнинг 14 ноябрь куни Наманган шаҳрида яшовчи Д.Д. Ички ишлар бошқармасига ариза билан мурожаат қилган. Шу кунга ўтар кечаси номаълум шахс «Сардоба» бозорида жойлашган савдо дўконининг ташқарисидаги умумий нархи 5 775 000 сўмлик ўсимлик ёғларни ўғирлаб кетганлигини маълум қилган.

Ички ишлар органи ходимлари томонидан олиб борилган тезкор-қидирув ва суриштирув ҳаракатлари натижасида гумондор А.А. қўлга олинган. Айни пайтда мазкур ҳолат бўйича жиноят иши қўзғатилган.