Шифокор: коронавирус кўриш қобилиятига жиддий хавф солиши мумкин

Коронавирус билан касалланган беморлар катта ва кичик томирларнинг шикастланиши туфайли кўриш қобилиятини бутунлай йўқотиши мумкин. Бу ҳақда россиялик офталмолог-профессор, тиббиёт фанлари доктори Татяна Шилова маълум қилди.

Унинг сўзларига кўра, COVID-19 танадаги катта ва кичик томирларнинг шикастланиши билан тавсифланади.

«Энг кичиклари фақат кўз соҳасида жойлашган, шунинг учун тромбоз кўринишидаги веноз етишмовчилик ва ишемик ҳолатлар кўринишидаги артериал етишмовчилик кўришнинг тўлиқ йўқолишига олиб келиши мумкин»,— дея таъкидлаган шифокор.

Шилованинг сўзларига кўра, бу муаммо касаллик даврида ҳам, ундан кейин ҳам пайдо бўлиши мумкин. Бу каби аломатлар юзага келганида зудлик билан шифокорга мурожаат қилиш тавсия қилинади. «Замин»ни Telegram’да ўқинг!