Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати ҳолат юзасидан маълумот берди.
«Маълум бўлишича, 9 февраль куни соат 19:00 ларда, Тошкент шаҳар, Чилонзор туманида ЙПХ ходими тирбандликларни бартараф қилиш мақсадида ишоралар орқали хизмат олиб бораётган вақтда «Lacetti» автомобили ҳайдовчиси унинг ишорасига риоя қилмаган.
Ҳайдовчи йўл ўртасида тўхтаб турли хатти-ҳаракатлар билан ходимнинг хизмат фаолиятига халақит берган. Шундан сўнг, ходим ва ҳайдовчи ўртасида зиддиятли вазият юзага келган. ЙПХ ходими чорраҳада вазият ҳамда тирбандлик кескинлашувининг олдини олиш мақсадида алоқа воситаси орқали ёрдам чақирган. Воқеа жойига қўшимча ёрдамчи ходимлар келиб ҳолат расмийлаштирилган. Айни пайтда дастлабки суриштирувлар давом этмоқда», — дейилади хабарда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
