«Cobalt»га «мигалка» ўрнатиш ҳайдовчига қимматга тушди

^{Фото: Тошкент вилояти ИИББ ЙҲХБ.}
Ижтимоий тармоқда «Cobalt» русумли автомобилга рухсат этилмаган мослама, яъни «мигалка» ўрнатилганлиги акс этган видео тарқалди.
Видео юзасидан Тошкент вилояти ИИББ ЙҲХБ ходимлари томонидан суриштирув олиб борган.

Маълум бўлишича, машина ҳайдовчи, 2002 йилда туғилган Ф.Х.га тегишли бўлиб чиқди. Унга нисбатан Маъмурий жавобгарлик тўғрисидаги Кодекснинг 127-моддаси иккинчи қисми тартибида баённома тузилиб, автомобиль вақтинча сақлаш учун жарима майдонига қўйилди.