Қарздорликдан бўйин товлаб қочиб юрганлар қидирув тадбирлари натижасида топилмоқда

Фуқаро Э.Бўтаёров Фуқаролик ишлари бўйича Қарши туманлараро судининг 2018 йилдаги суд буйруғига асосан 1 нафар вояга етмаган фарзанди учун алимент тўлаши лозим эди. Қарздор дастлаб 2 ойлик алимент пулларини тўлаган, аммо ундан кейин давлат ижрочисининг огоҳлантиришларига қарамасдан алимент пулларини тўламасдан келган. Давлат ижрочиси уйига бир неча маротаба борганидан сўнг, у қочиб юришни энг маъқул йўл деб ҳисоблади.

Қарздорга нисбатан Бюронинг Нишон туман бўлими томонидан жорий йилнинг 28 январь куни қидирув эълон қилинган бўлса, бошқарманинг қидирув шўъбаси ходимлари саъй-ҳаракати билан Э.Бўтаёров 12 февраль куни Чироқчи туманидан топилди.

Жазо муқаррарлиги таъминланиб, 35 млн. сўм алимент қарздорлигини тўламаган Э.Бўтаёровга нисбатан маъмурий қамоқ жазоси тайинланди. «Замин»ни Telegram’да ўқинг!