Ўзбекистон Олий Мажлиси Сенати раисининг биринчи ўринбосари Содиқ Сафоевга Япония ҳукуматининг Чиқаётган қуёш Катта Кордон ордени топширилди. С.Сафоев мукофотни Япониянинг Ўзбекистондаги фавқулодда ва мухтор элчиси Ёшинори Фужиямадан қабул қилиб олди.
Тантанали маросим Ўзбекистон ҳамда Япония ўртасида дипломатик алоқалар ўрнатилганининг 30 йиллигига бағишланган халқаро анжуман доирасида уюштирилган.
Аввал хабар берганимиздек, 2021 йил 3 ноябрь куни Япония ҳукумати эълон қилган Император ордени билан тақдирланган хорижликлар рўйхатидан Содиқ Сафоев ҳам ўрин олган эди.
Чиқаётган қуёш Катта Кордон ордени Япониянинг нуфузли ва қадимий давлат мукофоти бўлиб, у юқори натижаларга эришган шахсларга топширилади.
Япониянинг Тошкентдаги элчихонаси С.Сафоев икки мамлакат ўртасидаги дўстона муносабатларни ривожлантириш ва чуқурлаштириш йўлидаги кўп йиллик хизматлари учун мазкур орден билан тақдирланганини маълум қилган.
Қайд этилишича, С.Сафоев ташқи ишлар вазири вазифасида ишлаган кезлар муҳим платформа бўлган «Марказий Осиё+Япония» мулоқоти таъсис этилишида фаол қатнашган, кўп йиллар давомида ўзаро робиталарни мустаҳкамлашга салмоқли ҳисса қўшган. У ўз даврида икки давлат парламентлараро гуруҳи раиси сифатида қонунчилик идоралари алмашинувида ҳам жонбозлик кўрсатган.
С.Сафоев Чиқаётган қуёш Катта Кордон ордени билан тақдирланган илк ўзбекистонлик саналади. Таниқли давлат арбоби Ўзбекистон Республикасининг «Меҳнат шуҳрати», «Дўстлик» ва «Фидокорона хизматлари учун» орденларига ҳам муносиб кўрилган.
Cодиқ Сафоев, Император ордени, Япония ҳукумати, Чиқаётган қуёш Катта Кордон ордени «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
НАТО собиқ қўмондони: “Путин Украинанинг тахминан 20 фоизини қўлга киритади”
АҚШ Исроилга пули тўланган бульдозерларни бермади
Рақобат қўмитаси биржада Аи-80 бензини бошланғич нархига чеклов ўрнатди
Трамп Путинга қўнғироқ қилиб, Украинадаги урушни муҳокама қилди
Трампнинг ўғли Зеленский яқин орада «нафақадан» маҳрум бўлишини ёзди
Иммунитетни кўтариш учун 6 та энг яхши витамин
Россия томонидан учирилган иккита дрон Молдова ҳудудига қулаб тушди
