Тошкентнинг Чилонзор туманида Spark ҳайдовчиси ва унинг шериги ҳаракатланиш вақтида йўлини тўсиб ўтган Matiz ҳайдовчисини калтаклади. Бу ҳақда «Ёшлар» телеканалининг «Янги давр» информацион дастурида маълум қилинди.
20 февраль куни Чилонзор туманидаги Қатортол кўчасидан Муқимий кўчаси бўйлаб ҳаракатланаётган Matiz автомобили Spark’нинг йўлини тўсиб ўтган. Бундан ғазабга тушган Spark эгалари Matiz’ни қувиб етиб, ўзаро тортишувдан сўнг, ҳайдовчини дўппослаб кетган.
«Соат 00:00 ларда Чилонзор 2-даҳасида чорраҳадан бурилаётганимизда кул ранг Matiz сиқиб қўйди. Қувлаб етиб, бориб тўхтатдик ва у билан урушиб кетдик. Мен бош ва юз қисмига урдим. Оғайним тепди. Билмасдан, жаҳл устида урвордим. Қилган ишимиздан афсусдамиз», — дейди ҳайдовчи.
Шу куни тан жароҳат олган Matiz ҳайдовчиси ИИБга мурожаат қилган. Тезкор суриштирув ишлари бошланиб, кузатув камералари кўздан кечирилгач, зўравонлар шахсига аниқлик киритилган.
Тиббиёт маълумотларига кўра, жабрланувчининг пастки жағ соҳаси ҳамда 2—3-тишлар силжиб синиши жароҳатлари мавжудлиги аниқланган.
Ҳолат юзасидан Чилонзор тумани ИИО ФМБ Тергов бўлими томонидан Жиноят кодексининг 164-моддаси (босқинчилик) билан жиноят иши қўзғатилган. Ҳозирда тергов ҳаракатлари олиб борилмоқда. Муштумзўр йигитларга нисбатан эҳтиёт чораси сифатида «қамоқ» жазоси қўлланилган.
Spark йўлини тўсган, Matiz ҳайдовчиси, Калтакланди, Тошкент «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Қаҳва мияда «бахт гармони»ни ишлаб чиқариши ва юракка фойдали эканлиги айтилди
Эрон олий раҳбари Исроил бўйлаб ракета зарбасини қандай изоҳлади?
Шимолий Корея «янги давр» бошланганини эълон қилди
Трамп 2017 йилда Путиндан Украина бўйича маслаҳат сўраган экан...
Кузда иммунитетни яхшилаш учун нималар истеъмол қилиш керак?
Дунёдаги энг ноодатий пойабзаллар (фото)
Қодиров Путиннинг туғилган кунида урушдаги ҳарбийларга “совға” юборди (видео)
Қариш жараёнини секинлаштириш учун қандай овқатланиш керак?
