Навоийда радиоактив модда сотмоқчи бўлган шахслар ушланди

Навоий вилояти Навбаҳор туманида яшовчи икки нафар шахс ноқонуний равишда «радий» моддасини 50.000 АҚШ долларига сотаётганда ушланди.

Маълум қилинишича, 2022 йил 5 март куни Навоий вилояти ИИБ ЖҚБ Коррупция ва иқтисодий жиноятларга қарши курашиш бўлими, ДХХ Навоий вилояти бошқармаси ҳамда Навбаҳор тумани ИИБ ходимлари ҳамкорлигида ўтказилган тезкор тадбир жараёнида, Навбаҳор тумани «Қалқонота» маҳалласида жойлашган «Шукрона» тўйхонаси олдида икки нафар шахс 1 дона шиша идишга жойлаштирилган «Radiy Rа 226 02 5» ёзувли 250 гр радиоактив материални махсус харидорга 50.000 АҚШ долларига сотаётган вақтда ашёвий далиллар билан қўлга олинган.

Ҳолат юзасидан 2022 йил 5 март куни Навбаҳор тумани ИИБ ҳузуридаги Тергов бўлинмаси томонидан Жиноят кодексининг 252-моддаси 2-қисми «б» банди билан жиноят иши қўзғатилиб, гумонланувчилар белгиланган тартибида ушланганлар.

Жиноят иши юзасидан тергов ҳаракатлари олиб борилмоқда.

Радиоактив модда, Сотмоқчи бўлган, Шахслар ушланди, Навоий “Замин” янгиликларини “Инстаграм”да кузатиб боринг