«Нексия»да инфокиоскни ўғирлаган шахс қўлга олинди

^{Фото: ИИББ}
Шу йилнинг 19 март куни соат 20.00 ларда номаълум шахс «UZPAYNET» МЧЖга тегишли умумий қиймати 22.000.000 сўмлик инфокиоскни ўғирлаб кетади.

Тошкент шаҳар ИИББ хабарига кўра, у инфокиоскни ўзининг «Нексия» русумли автомашинасига жойлаб, кимсасиз жойга олиб борган. У ерда инфокиоскни очиб, ичидаги 3.083.000 сўм пулларни ўзлаштирган.

«Кўрилган чора-тадбирлар натижасида, гумонланувчи шахс 27 ёшли А. М. бўлиб чиқди ва қўлга олинди. Мазкур ҳолат бўйича тўпланган ҳужжатлар Яшнобод тумани ИИО ФМБга юборилган», дейилади ИИББ хабарида.