«Замин» фонди Сергели туманидаги 4,5 гектар майдонга 2740 туп дарахт экди

^{Фото: «Замин» фонди}
Янги яшил майдон Сергели туманидаги ҳаво ифлосланиши юқори даражада бўлган, саноат корхоналарига яқин ҳудудда ташкил этилди. Бу ҳақда фонд маълум қилди.

1 апрель куни «Яшил замин» лойиҳаси доирасида фонд 4,5 гектар майдонга 2740 туп дарахт экди. Zamin Education ўқувчилари билан биргаликда Зироат Мирзиёева ҳам дарахт экди.

Қайд этилишича, «Яшил замин» лойиҳаси бошланганидан буён Тошкент шаҳридаги дарахтлар экилган умумий майдон ҳажми 13 гектардан ошган.

^{Фото: «Замин» фонди}