Ижарага берилган ерни 53 минг долларга сотаётган пискентлик фермер қўлга тушди

^{Фото: Тошкент вилояти ИИББ ахборот хизмати}
Тошкент вилояти ИИББ Коррупцияга ва иқтисодий жиноятларга қарши курашиш бўлими, Ер ресурслари талон-торож қилинишига қарши кураш бўлинмаси ҳамда ҳамда Уюшган жиноятчиликка қарши курашиш бўлими тезкор ходимлари томонидан Нурафшон шаҳрида назорат-рейд тадбири ўтказилди.

Рейд давомида фуқаро Э.Қ. (фермер хўжалиги раҳбари) Пискент тумани ҳокимлиги томонидан ижарага берилган, туманнинг «Ўзбекистон» массивидаги 6 гектар ер майдонини ҳужжатлаштириб беришни 53 минг АҚШ долларига келишиб, аризачидан бошланғич бадал сифатида талаб қилган 5 300 АҚШ долларининг 5 минг долларини олаётган вақтида ушланган.

^{Фото: Тошкент вилояти ИИББ ахборот хизмати}
Маълум бўлишича, «Ўзбекистон» массивидаги 24 гектар ер майдони фуқарога фермер хўжалиги билан шуғулланиш учун 50 йилга ижарага берилган бўлган.

Ҳолат юзасидан фуқаро Э.Қ. га нисбатан Ўзбекистон Республикаси ЖКнинг 168-моддаси ва 28-211-моддалари билан жиноят иши қўзғатилди, дейилади хабарда.

Тошкент вилояти Янгиликлар