Андижонда яшаш хонадонида фоҳишахона ташкил этган аёллар қўлга олинди

^{Фото: Андижон вилояти Ички ишлар бошқармаси}
Андижон шаҳрида хонадонида фоҳишахона ташкил этиб, қўшмачилик билан шуғулланиб келаётган аёллар ушланди, деб хабар бермоқда Андижон вилояти Ички ишлар бошқармаси.

Қайд этилишича, 9 февраль куни вилоят ИИБ одам савдоси ва ноқонуний миграцияга қарши курашиш бўлими ҳамда Андижон шаҳар бўйича ички ишлар органлари фаолиятини мувофиқлаштириш бошқармаси ходимлари ҳамкорликда тезкор тадбир ўтказган. Тадбир давомида Д.И. исмли аёл (1983 йилда туғилган) вақтинча яшаб келаётган хонадонида бошқа бир аёл К.Й.ни 250 минг сўм эвазига мижоз билан жинсий алоқа қилиши учун шароит яратиб берган вақтида тадбир иштирокчилари томонидан қўлга олинган.

Тезкор тадбир давомида аёл томонидан тақдим этилган 250 минг сўм пуллар ашёвий далил тариқасида холислар иштирокида баённома орқали расмийлаштирилган.

Шунингдек, 14 март куни Андижон шаҳрида ўтказилган тадбирда Ш.Д. исмли аёл (1993 йилда туғилган) яшаш хонадонида Д.М.ни (1998 йилда туғилган) шаҳвоний мақсадларда фойдаланиш мақсадида сақлаб келгани аниқланган. У қизни 800 минг сўм эвазига бир нафар эркак билан жинсий алоқа қилиши учун шарт-шароит яратиб берган вақтда тадбир иштирокчилари томонидан ушланган.

Тадбир давомида 800 минг сўм пул далилий ашё тариқасида холислар иштирокида расмийлаштирилиб олинган.

Ҳозирда юқоридаги ҳар икки ҳолат юзасидан Жиноят кодексининг 131-моддаси (қўшмачилик қилиш ёки фоҳишахона сақлаш) 1-қисми билан жиноят иши қўзғатилган. Ҳозирда дастлабки тергов ҳаракатлари олиб борилмоқда. “Замин” янгиликларини “Twitter”да кузатиб боринг