Қашқадарё вилояти прокуратураси Қаршининг амалдаги ҳокими Нормўмин Холбоев ва собиқ ҳокими Жамшид Фозилов айбланувчи сифатида жалб қилингани ва қамоққа олингани ҳақидаги хабарларга изоҳ берди.
Ижтимоий тармоқларда Қарши шаҳрининг собиқ ва амалдаги ҳокимлари айбланиб, қамоққа олингани ҳақида хабарлар тарқалди. Қашқадарё вилояти прокуратураси мазкур хабарлар юзасидан раддия берди.
Раддияда маълум қилинишича, вилоят прокуратураси томонидан ер талон-торожликлари ҳолатлари бўйича хизмат сохтакорлигига йўл қўйган кадастр, қурилиш бўлими, шаҳар ҳокимлиги собиқ юристлари – жами 7 нафар шахс Жиноят кодексининг 205, 206, 209, 229-4-моддалари билан айбланиб, жиноят иши суд муҳокамасига юборилган.
Мазкур жиноят иши бўйича Қарши шаҳрининг собиқ ҳокими Жамшид Фозилов ва амалдаги ҳоким Нормўмин Холбоев айбланувчи сифатида жалб қилинмаган.
Маълумот учун, Жамшид Фозилов 2019 йил октябр ойида Қарши шаҳар ҳокими лавозимидан олинган ва ўрнига Касби тумани ҳокими вазифасида ишлаб келган Нормўмин Холбоев тайинланганди.
Жамшид Фозилов Қарши шаҳри ҳокими вазифасида ишлаган даврида ОАВда бир неча марта тадбиркорларга нисбатан адолатсиз қарорлари учун танқидга учраганди. Жумладан, у Қарши шаҳридаги Марказий деҳқон бозорида “снос” масалалари ва Ерқўрғон бозорларида ноқонуний қурилишлар туфайли танқид қилинганди.
2018 йил 14 декабр куни Қарши шаҳрида ўтказилган йиғилишда президент томонидан шаҳар раҳбарияти танқид қилинганди. Жумладан, Қарши шаҳар «тўртлиги» (ҳоким, прокурор, ИИБ бошлиғи ва ДСИ бошлиғи)га жиддий огоҳлантириш берилганди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Хитой 15 та сунъий йўлдошга эга тижорий ракетани учирди
