Фото: Wday
Ҳозирда турк сериаллари бутун дунё томошабинларининг эътиборига тушди. Уларда рол ижро этган актриса ва актёрлар ҳам маҳорати билан миллионлаб мухлисларга эга бўлди. Мухлислар орасида турк актриса ва актёрларининг ташқи кўриниши билан боғлиқ маълумотлардан тортиб шахсий ҳаётидаги сирларни билишни истайди. Томошабинлар орасида телелойиҳаларга бўлган талабга қарамай, турк актрисалари шахсий ҳаёти тафсилотларини ошкор қилишни истамайди. Wday нашри машҳурликка эришган актрисаларнинг уйи акс этган суратларни тақдим этди.
Ҳанде Эрчел
Фото: Wday
«Эшигимни қоқ» сериали 2020 йилда дунё бўйлаб мухлисларнинг қалбидан жой олди, шунингдек, унда рол ижро этган актёр ва актрисалар ҳам мувафаққиятга эришди. Сериал юлдузига айланган турк актрисаси Ҳанде Эрчел қаҳрамони Эда Илдиз ролини маҳорат билан ижро этгани туфайли деразалари кўп, «шиша» деб аталадиган икки қаватли виллага эга бўлди. Қаср Истанбулнинг бой аҳолиси яшайдиган туманида жойлашган. Уйнинг ичкари қисмида сокин ранглар ва минимализм интерьери мавжуд.
Фото: «Yandeks.ru»
Шуниси эътиборга лойиқки, актриса ўз уйидаги ҳамма нарсани энг майда тафсилотларигача синчковлик билан ўйлаб кўрган ва дизайнерлар жамоасини бошқарган. Бундан ташқари, Эрчел уйни безатган расмларнинг бир қисмини ўзи чизган. Актрисанинг дид билан безатилган вилласи 1 миллион доллардан ортиқ нархга баҳоланган.
Демет Ўздемир
Фото: Instagram /@demetozdemir
Демет Ўздемир Истанбулда ҳашаматли вилла сотиб олган туркиялик актрисалардан бири ҳисобланади. «Тақдирли уй» телесериалининг суратга олиш жараёнлари тугагандан сўнг, актриса ўз уйини ободонлаштириш билан шуғулланган. Бунда унга обуначилар ёрдам беришди, чунки ижтимоий тармоқлардаги аудиториянинг катталиги туфайли Демет меъморлар ва турли дизайн брендларини ҳамкорликка жалб қила олди.
Фото: «Yandeks.ru»
Демет уйини ўраб турган яшил ҳудудга энг кўп эътибор беради. Актрисанинг сўзларига кўра, боғ унинг севимли жойи бўлиб, у ерда ўзи билан вақт ўтказиши мумкин.
Марям Узерли
Фото: «Yandeks.ru»
«Муҳташам юз йил» сериалидаги Хуррам Султон роли билан кўплаб мухлисларига таниш бўлган актриса Марям Узерли Берлинда яшайди. Актрисанинг онаси Саҳра Узерли немис, отаси эса турк миллатига мансуб. Бу ҳақда кўпчилик билмайди, бироқ актриса Германияда туғилган ва ўз фаолиятидаги илк қадамларини ўша ерда қўйган.
Фото: «Yandeks.ru»
Ҳозирда у Берлин марказидаги кенг хонадонда яшайди. Узерли уйини иложи борича қулай қилиш учун ҳамма нарса шароитни яратди: у ерда мультфильмлар томоша қилиш мумкин бўлган кенг диван, пойтахт манзараларига томоша қилиш мумкин бўлган айвон ва кўплаб юмшоқ ўйинчоқлар мавжуд. Актриса кичика қизалоқлари учун барча шароитни яратишга ҳаракат қилади.
Эбру Шаҳин
Фото: «Yandeks.ru»
Туркиялик актриса Эбру Шаҳин билан турмуш ўртоғи, баскетболчи Жеди Осман билан тез-тез Америкада бўлишига қарамай, жуфтлик Туркияда яшашга қарор қилди. «Афсона» ва «Беқарор» сериаллари юлдузи Истанбулнинг машҳур ҳудудида жойлашган уйни ижарага олган. Турк оммавий ахборот востилари маълумотларига кўра, Мармара денгизи соҳилидаги ҳашаматли уйнинг ижараси ойига тахминан 4,5 минг доллар туради. Бу уйнинг нархи 20 фоизгача чегирма қилинган — машҳур бўлишнинг афзалликлари бор.
Фаҳрие Эвжен
Яна бир юлдузли жуфтлик «Чолиқуши» сериали орқали томошабинларнинг қалбидан жой олган Фаҳрие Эвжен ва Бурак Ўзчивит суратга олиш майдончасида танишиб оила қурди. Жуфтлик 2017 йилда Германияда унаштирилди, кейин эса Туркияда турмуш қурди.
Ҳозирда жуфтлик ўғли Каран билан Истанбулда истиқомат қилади, улар шахсий ҳаёти билан боғлиқ тафсилотларини мухлислари ва оммавий ахборот воситаларидан яширади. Бироқ маълумотларга кўра, актрисанинг турмуш ўртоғи томонидан ижарага олинган уй ёғоч ва мармардан кўп фойдаланилган ҳолда қурилган.
Фото: «Yandeks.ru»
Уйнинг декорацияси билан Бурак Ўзчивит ва Фаҳрие Эвженнинг ўзи шуғулланган, актриса уйдаги мебель ва дизайнерлик ёритиш мосламаларини танлаган. Уйда ҳаттоки этник услубдаги нарсалар тўплами мавжуд. Бу шунчаки ажойиб кўринади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
