Голливуд юлдузи Арнолд Шварценеггернинг ўғли Патрик Шварценеггер америкалик модел Абби Чампион билан никоҳдан ўтди. Жуфтлик ўз муносабатларини Айдахо штатидаги кўл қирғоғида ўтказилган самимий маросимда расман мустаҳкамлади, дея хабар бермоқда Daily Mail.
Абби оқсимон рангдаги узун юбкали ва енгсиз либосда келинлик қиёфасида кўринди. Унинг кўринишини нафис парда тўлдирди. Патрик эса қора шим ва кўйлаги билан келиннинг либосига уйғун образ яратди.
Тўй Coeur d'Alene кўли бўйидаги қояда меҳмонлар иштирокида бўлиб ўтди. Маросимда актёрнинг 78 ёшли отаси Арнолд Шварценеггер ҳам қатнашди. Хорижий ОАВга кўра, Гоззер Ранч — хусусий гольф ва кантри клубида ўтказилган бундай уч кунлик байрамнинг нархи 20 минг доллардан бошланади.
Патрик ва Абби 2015 йилдан буён бирга. Улар саккиз йил ўтиб, 2023 йил декабрида унаштирилганларини эълон қилишганди. Актёр Drew Barrymore шоусида бу ҳақда сўзлаб, шундай деганди:
“Биз бир ярим йил аввал унаштирилган эдик. Тўғри вақтни кутдик ва бу жуда ажойиб бўлди.”
«Замин»ни Telegram’да ўқинг!
